FOOD | مكرونة بصلصلة الفطر و الزيتون سهله، لذيذة و سريعة

السلام عليكم 

كيفكم يا مزز؟ إن شاء الله تمام 

اليوم حابة أساعدكم بوصفة بسيطة و سهله و سريعة و تنفع لو ما عندك خبره بالمطبخ أو جايينك ضيوف فجأه و حابة تذهليهم عالعشاء ;) 

و الأحلى من هذا كله انها ما تاخذ معك الا 20 دقيقة ! و المكونات جدا جدا بسيطه

 كل اللي تحتاجيه هو : 

1- ظرف مكرونه طويله أو أي نوع تحبيه 

2- خضار مشكله مجمده 

3- جبن موزاريلا أو تشيدر حسب اللي تفضليه ، أنا استخدمت موزاريلا 

4- كزبرة (للتزيين) 

5- نجي للمهم و هي الصلصة ، هذي هي اللي بتختصر عليك نص ساعة من الشغل " صلصلة المكرونه الجاهزة" ، أنا استخدمت وحدة من ماركة العلالي بنكهة الزيتون و الفطر 

هذي صورة واضحة لها :

الطريقة :

1- خلي الماي يغلي على النار و ضيفي له الخضار المجمدة و المكرونه و اطبخيها حسب الارشادات اللي على العلبة.

2- أول ما تخلص صفيها و اغسليها بماي بارد ( قصدي مش مغلي يعني حتى ماي الصنبور عادي) عشان توقف طبخ و ما تصير لينة بزيادة.

3- في قدر حطي تقريبا نص العلبه على نار متوسطه لحد ما تبدأ تغلي أو تسوي فقاقيع .

آخر خطوه حطي المكرونه في نفس القدر اللي فيه الصلصلة و حركيها عشان تمتزج مع الصلصلة 

 بعدين حطيها بصحن التقديم و حطي فوقها الموزاريلا والكزبرة.

و هذي النتيجة النهائية :

قولوا لي رأيكم إذا جربتوها و تأكدوا إني بنزل لكم وصفات آخرى قريبا بإذن الله.

لا تنسي تتابعي المدونة على حساباتها في السوشل ميديا 

الموجوده فوق على يمين المدونة  

إذا حبيتي البوست لا تنسي تشاركيه مع أخواتك و صاحباتك

و تتركي لي كومنت حلو زيك 

All Love:

Ru.