FOOD| وصفة مسقعة الخضار بالدجاج الصحية

السلام عليكم و رحمة الله و بركاته

كيفكم يا مزز؟ إن شاء الله تمام

اشتقت لكم كثير خصوصا انه صار لي فوق الشهرين ما نشرت أي بوست بس إن شاء الله بتنزل البوستات زي ما تعودتوا عليها دام خلصت الدراسه

زي ما انتوا عارفين قبل فترة بدأنا سلسلة بوستات تتكلم عن اتباع نمط حياة صحي من أكثر من ناحية

و شاركتكم بكم وصفة و سناك عشان تساعدكم تتبعوا هذا النمط الصحي معاي

فحبيت هالمرة أشارككم بوصفة جدا جدا لذيذة و مفيدة و صحية و سهله بنفس الوقت عشان تاكلوها و انتوا مرتاحين و ضامنين فستان العيد يكون مقاسه مضبوط

هذي الوصفة عادة تكون مليانه زيوت و دسمة بس أنا حولتها لوصفة خالية من الزيوت و الدسم عشان تكون  خفيفة عالمعدة و بنفس الوقت يتغذى الجسم عدل مع تعب الصيام

وصفة اليوم هي

مسقعة الخضار الصحية

انا اعتبرها الوصفة المثالية فيها خضار مليانة فيتامينات + دجاج\لحم مفروم يعني بروتين صافي 

+ مشتقات ألبان يعني كالسيوم

طبعا تقدري تستغني عن البروتين و تحوليها

Vegetarian

و تقدري تستغني عن أي نوع ما تحبيه من الخضار بس أنا ضفت أغلب الأنواع زيادة في الفائدة و الطعم

المقادير

طبقة الخضار

حبتين بصل أبيض أو أحمر حسب الرغبة

حبة باذنجان كبيرة

حبتين جزر

حبة طماطم كبيرة

حبتين كوسا

حبة بطاطس كبيرة

الحشوة

دجاج أو لحم مفروم حسب ما تفضلي ، أنا استخدمت دجاج

حبة بصل أبيض صغيرة

ملعقة واحدة زيت

الصلصلة

ملعقتين جبن سائل

علبة قشطة

 استخدمت منتجات المراعي قليلة الدسم

البهارات

ملح

فلفل أسود

بهارات مشكلة أو بهارات دجاج

الطريقة

أول خطوه بنجهز الحشوة : نضيف ملعقة الزيت بقدر متوسط على نار متوسطة لهادية

نقطع البصلة لمربعات صغيرة و نضيفها للزيت و نحركها و نخليها لحد ما تصير شفافه تقريبا 3-4 دقايق

نغسل الدجاج\اللحم المفروم و نضيفه للقدر و نحركه حتى يختلط مع البصل و نضيف البهارات و نغطي القدر و 

نخليها لمدة 15 دقيقه تطبخ و تطلع السوائل اللي فيه

شيكي على الدجاج بين فتره و فتره و حركيه لحد ما تضمني إنه استوى

في هالأثناء نغسل الخضار و نقشر البطاطس بعدين نبدأ بتقطيع الخضار لحلقات أو دوائر

نجيب صينية فرن حجم وسط و نبدأ نصف الخضار و الحشوه

حطيت البطاطس أول شي و فوقه الجزر و الكوسه و بعدين حطيت الدجاج عليهم و كملت صف الطماطم و 

البصل و الباذنجان

خلطت ملعقتين الجبن مع القشطة و وزعته  فوق الخضار بشكل متساوي

غطي الصينية بورق قصدير عدل لأنه في الفرن الخضار بتطلع مايها و بتطبخ بالبخار

دخلت الصينية الفرن لمدة ساعة و نص تقريبا على نار عالية

انا فرني من سامسونج حطيت

Broil > high

بعد الساعه و نص ما تخلص شلت القصدير و خلت الوجه يتحمر كم دقيقة

و صحة و هنا

زي ما قلت لكم وصفة جدا سهله و بسيطه و كلها فوائد صحية

و الأحلى يمديك تاكلين قد ما تبي و انتي ضامنه انك ما بتزيدي حتى 100 غرام

جربوها و عطوني رأيكم في طعمها اللذيذ سواء بالتعليقات هنا أو على حسابات المدونة

الموجودة فوق عاليمين

All love:

Ru.