FOOD|شوربة لسهرة آخر الليل

السلام عليكم 

كيفكم يا مزز ؟ ان شاء الله تمام :)

هالمرة جبت لكم حتة وصفه بتاكلوا صوابعكم وراها !

 خصوصا البومات الليلية اللي زيي xD 

معروف انه ما تعدي الساعة 12 بالليل الا المعده تبدأ تصو تصو 
حتى لو ماكلين الساعة 11:59 xDDD 

و انا الصراحة وحده مالها خلق تغسل مواعين و اذا جعت أبي أكل على طول مو أظل أطبخ ساعه و نص!

 فـ مؤخرا طحت على شوربات ماجي الجاهزه و بالتحديد شوربة الدجاج بالشعيرية ، خمس دقايق الا انتي جاهزه.

هي حلوه زي ما هي بس أنا أحب أضيف لمستي الخاصة على كل شي , فأضفت عليها تعديلات بسيطة و طلعت تمام التمام و حبيت أشاركها معاكم، عائلتي الافتراضية . 

المقادير لشخص واحد :

1- ظرف واحد شوربة ماجي شوربة الدجاج بالشعيرية.

2- شعيرية عادية.

3- بهاراتكم المفضله ، أنا أستخدم نص ملعقة طعام من(ثوم مطحون، فلفل أحمر بودره ، فلفل أسود مطحون، بهارات الدجاج، كركم، كمون مطحون بهارات إيطاليه)

4- معجون طماطم 

صورة مغلف الشوربة:

صورة الشعيرية:

الطريقة :

في قدر صغير أصب علبة ماء كامله ( 600 مل/العلبة أم ريال)

 أضيف محتويات مغلف الشوربة كلها و أضيف معاها الشعيرية حسب رغبتي

 أنا تقريبا أضيف ربع كاس شعيريه مكسره

 أخلي النار متوسطة و أستناها لين ما تبدأ الشوربة تغلي ، بعدين أضيف البهارات و شوي 

معجون طماطم و أخليها تطبخ على نار هادية لـ 15 دقيقة.

خلال هذا الوقت الشعيريه بتتشرب الماي و بتنتفخ شوي و بتتكثف ، صبيها في صحن 

التقديم و استمتعي باللذاذه في أقل من 20 دقيقه!

إذا عندك طريقة ثانيه عشان تخلي الشوربة ألذ لا تبخلي علي و اكتبيها بالتعليقات و اذا جربتي طريقتي أكيد بحب أسمع رأيك و صحتين و عافيه 3> 

لا تنسي تتابعي المدونة على حساباتها في السوشل ميديا 
الموجوده فوق على يمين المدونة  

إذا حبيتي البوست لا تنسي تشاركيه مع أخواتك و صاحباتك

و تتركي لي كومنت حلو زيك 

all love

Ru.