FOOD | MY GREEN SMOOTHIE السموذي الأخضر

السلام عليكم

كيفكم يا مزز؟ ان شاء الله تمام

اليوم حبيت ناخذ منحى شوي صحي ، أتوقع كل متابعي النجوم من فنانات و غيره لاحظوا العصير الأخضر اللي ما بقى أحد من المشاهير  ما شربه من كيم كارداشيان و أنت طالع 

هذا يا طوال العمر عصير صحي و مكوناته شوي غريبه بالنسبه لعصير ، اخترعوه دكاترة التغذية عشان يسهلوا علينا الحصول على كمية الفيتامين و المعادن اللي نحتاجها .

العصير فوائده مهوله بالنسبة لكاسه ، مثلا كل هالنجوم يظلون ساعات متأخره آخر الليل للتصوير و غيره و ما يمديهم يهتموا ببشرتهم و شعرهم ، فكاسة على الصبح كذا تنعنشهم وتعطيهم كمية فيتامينات تروح أثار التعب . 

  

طبعا الناس لما عرفت عن فوائده هبت فيه >> أخيرا طاحوا بشي زين ، ما علينا :\

أنا عن نفسي جربت العصير لمدة أسبوع و أكبر أثر شفته كان أنه تساقط شعري خف كثييير (بسبب الحديد اللي بالسبانخ) ، بشرتي شوي صفت مش تغيير كبير و بقولكم السبب ليه بعد شوي.

العصير مناسب جدا للناس اللي ما عندها وقت تفطر الصباح أو تكره طعم الخضار بس لسه تبي تستفيد منها ، مكوناته سهلة و بسيطة اللي هي فواكه مع خضار ورقية (خس - سبانخ و غيره).

لأني مبتدئة و تو أول مرة فحطيت فواكه أكثر بكثير من الخضار عشان أخبي الطعم لأني توقعت أنه حيكون كريه بس الصراحة كان الطعم جدا لذيذ و يشبع بشكل.

الطريقة اللي استخدمها هي أول شي أجيب خلاط و أضيف فيه :

- 2 حلقة أناناس معلب ( لو كان فريش بيكون أفضل)

- شوية فراولة مجمده و الكمية حسب ذوقك

- 2 كيس محلي ( انا أفضله حالي كثير)

- نص أو حزمة كاملة سبانخ طازج ( النوع المجمد أبدا ما يصلح فلا تجربين)

-كاسة حليب أو الكمية اللي تحتاجيها عشان يصير العصير سائل ( استخدمي أي نوع تفضليه حتى لو كان حليب جوز هند)

- نص موزه قطعيها قطع

و بعدين اخلطيه لمدة 30 ثانية أو حتى تتجانس المكونات و لو احتجتي تضيفي حليب زيادة ضيفيه و صحتين و هنا!

طبعا كل ما قدرتي تضيفي خضار ورقية و تقللي فواكه بيكون أفضل و ممكن تغيري المكونات عشان تناسب ذوقك ، تضيفي فواكه غير (  اذا قدرتي تجمديها بيكون أفضل لبرودة السموذي) مثلا تحطي
تفاح مقشر - توت - جوافة و غيره


 أيضا الخضار الورقيه ممكن خس - سبانخ - كرفس - خيار - ليمون ، ما تبي تحطي موز استبدليه بزبادي ، ما تبي حليب ضيفي ماء ، مسويه رجيم اذا استبدلي وجبه به مثلا اعتبريه فطور أو عشاء خفيف، العصير بكيييييفك و ما ياخذ منك خمس دقايق و يعطيك طاقه قوية عشان تبدأي يومك صح !

طبعا ممكن تسهلي عليك العمليه بإنك تفصلي المكونات في أكياس بحيث كل كيس يحتوي على المكونات لكاسة وحده و تخلطيها الصبح عالماشي :)

تحت شوية وصفات من النت للسموذي جربيها و قولي لي رأيك 

                                                 

اذا عندك أي وصفه تحبيها للعصير ، استفسار ، شي حابة أتكلم عنه فتفضلي و اكتبيه بالكومنت تحت و اسعديني :)

all love

Ru.