FOOD | وصفة لمحبي التونا : سندويشة تونة بالجبن لذيذة و صحية ! FOR TUNA LOVERS: A SANDWICH WITH A TWIST !

السلام عليكم و رحمة الله و بركاته 

كيفكم يا  مزز؟ ان شاء الله تمام 

اليوم حبيت أجيب لكم وصفة لذيذة و جميلة و سهلة و ما تأخذ وقت و حتى اللي ما يطيق ريحة التونة بيحبها من ورا هالساندويتش ! 

اول شي خل أقول لكم على سبب واحد بس يخليكم تاكلون التونا :


 معبيه مليانة طافحة أوميغا 3 و اللي يعتبر من اهم الأحماض اللي يحتاجه الانسان و له أكثر من 24 فائدة أهمها:

1. يحمي من الكآبة
2. يقلل من ترسب الكوليسترول والدهون على جدار الشرايين الذي يؤدي إلى تصلبها.
3. تساعد في ترطيب البشرة

 هالوصفة اخترعتها قبل فترة و كثيير حبيتها لأنها ما تاخذ وقت ابدا! 

ربع ساعة و إنتي خالصة 

 كل اللي تحتاجيه هو :

( ملاحظة: المكونات لأربع أشخاص)

1- أربع شرائح بريد 

2- علبة تونا حجم وسط ( انا استخدمت قودي تونا حاره ) 

3- ملعقتين مايونيز ( استخدمت قودي لايت مايونيز)

4- جبن موزاريلا ( استخدمت برايد)

5- ملح ، فلفل أسود ، كمون أو أي بهار انتي حابه

6- حبة طماطم واحدة

وهذي صورة التونا : 

   

الطريقة : 

جيبي مقلاة مسطحة و صبي فيها نص أو ملعقة زيت زيتون عشان ما يلصق الأكل و حطيها على درجة حرارة متوسطة

صفي التونا من الزيت اللي بعلبتها قد ما تقدري ، ضيفي التونا للمقلاة و فوقها البهارات و حركيها لحد ما تسخن التونا و تختلط جميع البهارات كلها و بعدين طفي النار تحتها .

في صينية فرن  صفي الاربع شرايح بريد بعاد عن بعض شوي و أدهنيها بالمايونيز

وزعي التونا على البريد بحيث يكون ممكن إنك تطويها على جنب للتقديم بعدين، فوقها حطي موزاريلا .

قطعي الطماطم شرايح و حطي شريحة - شريحتين فوق كل قطعة بريد و دخليها الفرن كم دقيقة بس عشان يتحمص البريد و يذوب الجبن

 انا أحب أثنيه من النص ( أسهل للأكل ) ، حاولي إنك ما تحمصينها بزيادة .

و صحتين و هناء 3> 

المعلومات الصحية للقطعة الواحدة :

أتمنى  تعجبكم الوصفة و تجربونها و تقولوا لي رأيكم فيها و لو عندكم أي استفسار اتركوا 

لي إياه بالتعليقات 

         أتمنى تتابعي المدونة على حساباتها المذكورة فوق على جنب        

و اذا حبيتي البوست أو استفدتي بمعلومة لا تبخلي على أخواتك أو صديقاتك 

بالمعلومات و شاركيهم بالبوست 

                     

all love:

Ru.