FOOD| HOW TO MAKE SPRING ROLLS وصفة السبرينغ رول

السلام عليكم و رحمة الله و بركاته 

كيفكم يا مزز ؟ ان شاء الله تمام :)

اليوم رجعت لكم بوصفه لذيييييذه جدددا و اعشقها كثير الا و هي spring roll

او لفائف الربيع

 هي أكله صينية و عادة تعتبر من المقبلات ، طبعا هي عباره عن عجينة رقيقة محشية خضار و ممكن دجاج و تقلى و تغمس في صلصه.

الحلو فيها انه اعدادها سهل و ممكن تغيري الحشوة كيف ما تحبي و ممكن تاكليها مقليه أو مشوية بالفرن عشان تكون صحيه أكثر.

أنا جدا احب هالأكله بس الصراحة استخسر ادفع 25 ريال على حبتين بس ، أبي اكل براحتي و أنقنق عليها فقررت أسويها بالبيت :)

المقادير ( ل40 حبة ):

- 3 حبات جزر مبشور 

- 2 بطاطس مسلوقة و مهروسة

- 3 حبات كوسة مبشورة 

- نصف حبة ملفوف مقطعه شرايح

- زنجبيل مبشور حسب الرغبه

- ثوم مبشور\مقطع  حسب الرغبه 

- بصل (يفضل ابيض) يقطع قطع صغيره أو شرايح حسب الرغبه

- ملح ، فلفل أسود ، كمون

- علبة ماجي الخضار

- علبتين من عجينة السبرينغ رول الحجم الوسط أو الصغير  (العادي بدون بيض) ( أنا أفضل ماركة السنبلة)

صورة العجينه :

طريقة الحشوة : 

في قدر صبي ملعقتين زيت و سخنيه على حراره شوي عاليه

 ضيفي البصل و الثوم و الزنجيبل و خلي النار متوسطه الى هادية ،  خليه يطبخ  10 دقايق مع التحريك كل شوي عشان لا يحترق

 ضيفي الجزر و الكوسا و حركي لين يمتزج و خليه يطبخ 10 دقيقه و حركيه كل شوي 

ضيفي الملفوف و اطبخيه 5 دقايق لما تحسي الملفوف ذبل و الخليط استوى ضيفي 

البطاطس المهروس و البهارات و حركيه عدل .

الأشياء اللي نحتاجها : 

1- سفرة عشان تضمني نظافة المكان 

2- حافظة طعام بحجم مناسب 

3- شي أنا اسميه الصمغ و هو عباره عن شوية طحين و شوي ماي و اخلطيهم ، تبي شي

 يشبه السائل الثقيل عشان تحطيه نهاية اللفه عشان تسكرها و ما تفتح أو ممكن تستعملي بيض

4- منشفة مبلله ماي عشان ما تنشف العجينه 

طريقة صمغ الطحين :

طريقة الحشي :

جيبي العجينة و خذي منها شريحة شريحة بشوي شوي لا تنشق 

و غطي الباقي بالمنشفة المبللة 

  احشي كل شريحة بما يتناسب مع حجمها ، اصفطيها من فوق و من تحت و لفيها للآخر 

و حطي شوي من البيض\الصمغ و لفيها و حطيها بالعلبه بحيث تكون الفتحة حقة اللفه 

تحت عشان ما تنفتح ، و حطيها بالفريزر.

ممكن تقليها  أو تشويها بالفرن لحد ما تتحمر  و اذا بتشويها لا تنسي تدهنيها ببيض عشان يطلع لك لون ذهبي حلو.

طبعا ما فهمتوا شي من الشرح اللي فوق فبحط لكم فيديو تحت 

شفتوا كيف حشتها اول و بعطين صفطتها من فوق و من تحت و لفتها للأخر ، أتمن

ى تكونوا فهمتوا الطريقه ، جدا سهله و لذييييييذه جربوها و قولوا لي رأيكم 

لا تنسي تتابعي المدونة على حساباتها في السوشل ميديا 

الموجوده فوق على يمين المدونة  

إذا حبيتي البوست لا تنسي تشاركيه مع أخواتك و صاحباتك

و تتركي لي كومنت حلو زيك 

all love:

RU.