MEAL PREP| كيف أبدأ أخطط لوجباتي + صندوق الغذاء #1

السلام عليكم و رحمة الله و بركاته 

كيفكم يا مزز؟ إن شاء الله تمام 

 قبل ما تبدأي قراءة هذا البوست يا ريت تشيكين على البوست اللي قبله عشان ما تتلخبطين 

(هنا) 

اليوم إن شاء الله أول بوست في هذي السلسلة 

و قبل لا أبدأ أنزل الوصفات اللي  ببوكسات الوجبات لازم أقولكم عن الأساسيات لتخطيط الوجبات 

أول شي ليش نخطط لأكلنا ؟

لأنه بيكون أسرع و أسهل للناس اللي ما عندها وقت مثل الموظفات و بيساعدك تلتزمين بخطتك الغذائية
لأنك ما راح تاكلين شي غلط وانتي عندك أكل صحي قدامك

التخطيط في البداية ممكن يكون صعب خصوصا لو كنتي بتطبخي لأكثر من شخص 

بس مع الوقت بتتعودين و بتعرفين ايش بتحتاجي لكل وجبة

طيب ايش بنحتاج ؟

مجموعة حافظات من نفس الحجم على حسب كم تحتاجين
يعني مثلا انا مخططه إني أكل من هالوجبات لمدة خمس أيام
 فراح أشتري بوكس لكل وجبة مثلا فبحتاج  15 حافظه

أو إذا كنتي ناوية بس تأكلي هالبوكس لوجبة وحده بالدوام مثلا
فخذي لك الصندوق اللي يجيك مقسم عشان ما يتداخل الأكل عليك
تلاقينهم في أكثر من مكان و بأسعار حلوه زي ايكيا أو ساكو

أيضا

أحتاج دفتر و قلم خاصين لهالمهمة

: أقسمهم لعدة أجزاء
جزء أكتب فيه الوصفات بمقاديرها عشان لما أحتاج أشتري المكونات ألاقيهم بسرعة

و جزء راح يكون قائمة تسوق يعني كل ويكند أروح لجزء الوصفات و أختار شنو باكل
و أكتب الأغراض بقسم القئمة و أحاول قد ما أقدر ألتزم بهالقائمة أثناء التسوق

و ياحبذا الدفتر يكون حلو و لطيف عشان يفتح نفسك للكتابة


و ايضا



بتحتاجين لقدور و أواني تشيل هالمهمة
لأنك بتطبخي كمية تكفيك أسبوع أو خمسة أيام فبتحتاجي لقدور كبيرة أو وسط
أو صواني فرن و أنتي و اللي تحتاجيه


و آخر شي بتحتاجيه هو انك تحددي يوم حسب جدولك و تخصصيه لمهمة الشراء و 
الطبخ كل أسبوع

أغلب الناس تختار يوم السبت عشان يكون الأكل فريش من أول يوم دوام

هذي هي الأشياء اللي لازم تتوفر عندك عشان تضمني نجاح مخططك



طيب بعدين نجي لتقسيم البوكس نفسه

خل نفترض إني مسوية صندوق غداء للدوام
أحاول أحط فيه بروتين قد ما أقدر يعني دجاج\لحم\سمك\بيض
لأنه بيشبعني و مناسب للدايت


و أضيف معاه كاربوهيدرات\نشويات حسب خطتي الغذائية فبيكون هذا الوجبة الرئيسية
و القسم الأكبر من البوكس

و على جنب أضيف أطباق جانبية زي سلطة أو سناك أو حلى
حسب سعراتي المحدده

أنا سابقا نزلت كم وصفة ممكن تستفيدي منها
(تلاقيها كلها في تاغ
Food)


نجي لوجبة الصندوق الأول 

(صورة مقاربة من النت)



هذي الوجبة أنا أكلها بشكل دوري لأنها ما تاخذ وقت بالتجهيز 
و لا تحتاج تسخين أو أي شي 

أنا أقسم صندوقي لثلاث أجزاء زي ما قلت لكم فوق 

القسم الأول : الطبق الجانبي 

أنا مخصصة هالجزء للسلطة ، ممكن تكون أي سلطة 
خضراء ، يونانية ، سيزر 

اللي تحبيه بس بشرط إنه إذا بتضيفي أي صلصلة خليها بعلبة بروحها 
لأنك لو ضفتيها قبل بفتره بتخلي السلطة تفقد القرمشة حقتها 
و ممكن تغير الطعم 


القسم الثاني : الوجبة الرئيسية 

هنا القسم اللي يحتوي على أعلى نسبة من السعرات و هو اللي بنعتمد عليه

أنا إخترت سندويشة التونا بالجبن 

 سندويشة جدا لذيذة و سهله تسويها ، نزلت الوصفة من قبل بالمدونة بإستخدام البريد
(هنا) 

بس ممكن تكون صعبة الأكل بالدوام فأستبدلي البريد بخبز التورتيلا 
أقل سعرات و أسهل عليك بالأكل 

القسم الثالث: السناك\الحلى 

هذا الجزء ممكن تتخلين عنه إذا أنتي تقاطعي السكر 
بس في ناس ما تقدر تقطعه تماما فالأفضل إنك تاخذيه من مصادر أفضل من الحلويات 

أنا اخترت التوت المشكل مع الزبادي 

جدا بسيطه و ما راح تخرب عليك 

(تلاقين وصفتها (هنا 


و بكذا سوينا لنا صندوق غداء متكامل 
يحتوي على سلطة و بروتين و مشتقات حليب و فيتامينات 

 المعلومات الغذائية لهذا الصندوق كله

الصندوق هذا يحتوي على نسبة سعرات معقولة و نسبة بروتين عاليه 
طبعا ممكن تقللين كمية الدهون الى الصفر إذا ألغيتي ملعقة المايونيز 

 أتمنى تجربون تسوون هالصندوق لأنه جدا سهل و ممكن تسويه من الليلة اللي قبل 
و ما بياخذ وقت أبدا 

و يا ريت تشاركوني بصور أطباقكم على حسابات المدونه الموجوده فوق على يمين المدونة 




all love 
Ru.