السلام عليكم
كيفكم يا مزز ؟ ان شاء الله تمام
اليوم رجعت لكم مع سلسلة السناك الصحي ، ما شاء الله بوست السناك اللي قبلها (هنا) لاقى أصداء جميلة
ما تصدقون فرحتي بأننا قمنا ننتبه لأنفسنا و لصحتنا و الله يوفق الجميل للوصول للوزن المثالي
بوست اليوم خفيف و لطيف ، مؤخرا لاحظت ثبات في نزول الوزن ، صار لي مده و مافي غرام تزحزح
و بعد مراجعة مع دكتورتي قالت لي انه في سكر قاعد يدخل جسمي بدون ما أدري
!و ما بتصدقون مين وين ، مو من حلى و لا من رز الا من زبادي
ايه نعم من زبادي قرأتي صح
في زبادي من ماركة معينه يحتوي على قطع فراولة و توت و كنت مفكرته صحي و طايحه اكل فيه
بس بعد ما قرأت مكوناته طلع يحتوي على 12 غرام سكر في العلبه الصغيره متخيلين؟
فأنا قررت أسويه بالبيت و طلع طعمه أحلى من المصنع ، و مناسب كسناك خفيف
و برضو ممتاز للأطفال اللي ما يحبوا الزبادي
المقادير
علبه زبادي واحده
شوية من التوت أو الفراوله المقطعة
مغلف ستيفيا
طاسة\زبدية و ملعقة
أنا استخدمت توت مشكل مجمد شريته من أسواق التميمي ب17 ريال تقريبا
تلاقونه في قسم المجمدات
الطريقة
ضيفي الزبادي و التوت للطاسة و قلبيهم مع بعض و بتلاحظين انه الزبادي صار لونه وردي
تذوقيه لأنه بعض انواع التوت تصير حامضة و اذا حسيتي يحتاج حلاوة حطي ستيفيا و حركيه
و بالعافيه عليك
فوائد الزبادي كثيره و منها انه يحتوي الكالسيوم و البروتين و الريبوفلافين و البوتاسيوم و حامض الفوليك
و حمض اللبنيك و اليود والزنك و الفيتامين ب
و التوت يحتوي على مضادات الأكسدة و فيتامينات كثيره
و هذي السعرات لكل كوب
صحتين و عافيه و ان شاء الله تجربي الوصفه
all love
Ru.
No comments:
Post a Comment