REVIEW | FIRST IMPRESSION: WELLA PRO SERIES SHAMPOO تجربتي مع شامبو ويلا برو سيريس

السلام عليكم يا جميلات 

كيفكم ؟ إن شاء الله تمام 

بوست اليوم راح يكون عن شامبو ويلا الجديد ( اللي تطلع مريام فارس بدعايته) ، طبعا ويلا نزلت مجموعة جديدة بالأسواق عبارة عن شامبو و بلسم و ماسك للشعر . 

فيه منه عدة أنواع : مجموعة الإصلاح ، مجموعة الترطيب ، مجموعة التحكم في تطاير الشعر ، مجموعة للشعر المصبوغ ، مجموعة للمعان ، و أخيرا مجموعة للتصفيف عبارة عن مثبت شعر و غيره. 

راح أتكلم اليوم عن مجموعة الترطيب بس أول شي بكلمكم عن شعري ، شعري نوعه جاف و فيه تقصفات و انا وحده كسولة و لا أقرب للزيت الا في حالة الطوارئ القصوى .

 قبل هذي المجموعة كنت استخدم شامبو تريسيمي الجديد بالكيراتين مع البلسم ، الشامبو كان يغسل من قلب و يتخلص حتى من الزيت الطبيعي اللي يفرزه الشعر و البلسم يرجع الترطيب بشكل رائع . 

المشكلة انه البلسم خلص قبل الشامبو ، فصرت استخدم الشامبو بس و زاد جفاف شعري بشكل مو طبيعي :( 

صار متطاير و أحسه يتقطع و أنا أمشطه . 

فلما استخدمت شامبو ويلا سوى معجزة بشعري ! 

أول شي هذي صورة الشامبو : 

أسعارهم تقريبا ب18 ريال و بالموقع كاتبين أنه مخصص للشعر الجاف المتطاير ، فأكيد الوصف ناسبني .

أستخدمته مرة وحده بس من شريته  بس عجبني بشكل مو صاحي ، اللي عجبني فيه أنه الشامبو و البلسم ما تحتاجين تخلينهم وقت محدد ، دقيقة و اغسليه .

الشامبو لحاله جددددا مرطب و البلسم مرطب أكثر و أكثر، فأقدر أقولكم أشتروه و أنا أضحك بعد .

بعدها بيوم استشورت شعري و النتيجة كانت خياااااااال فأكيد بظل اشتخدمه.

جربوه و قولوا لي رأيكم =)

لا تنسي تتابعي المدونة على حساباتها في السوشل ميديا 
الموجوده فوق على يمين المدونة  

إذا حبيتي البوست شاركيه مع أخواتك و صاحباتك

All love 
Ru.