السلام عليكم و رحمة الله و بركاته
كيفكم يا مزز؟ إن شاء الله تمام
اليوم بكمل معاكم الجزء الثاني اللي هو كيفية البحث عن الوظائف
بعد ما كتبتي السيرة الذاتية بشكل جذاب و عبيتيها بمعلومات حقيقية و
بدون كذب
جاء وقت البحث عن العمل
أهم نقطة قبل التقديم و قبل كل شي هي تحديد المعايير ، الوظائف كثيرة
و البحث عنها يطول فإحنا نحدد شروط معينة تسهل علينا العملية
جيبي ورقة و قلم و اكتبي معاي :
·
الموقع : حددي الأماكن
اللي لو إنقبلتي فيها ما راح يكون عندك مشكلة تداومين فيها من ناحية بعد المسافة
أو من ناحية توفر سواق، مثلا أنا ساكنة بالدمام فلما أنقبل في وظيفة ممكن أروح أشتغل
في الدمام أو الخبر أو القطيف بس الجبيل مثلا بعيدة علي فهذا الخيار مرفوض.
كذا إنتي تحددي إنه و الله هذي
المناطق مقدور عليها فلما أشوف إعلان وظيفي في الجبيل مثلا ما أتعب نفسي و أقدم
عليه
·
أوقات الدوام : شوفي وضعك هل يسمح
لك إنك تشتغلي شفتات ؟ ما عندك مشكلة تشتغلين مثلا وظيفة مسائية و الا لا أحتاج
دوام كامل الصباح ؟ و اكتبي الوقت الأفضل، أنا مثلا وضعي ما يسمح لي أشتغل بالليل
فأحتاج وظيفة صباحية فلما أشوف أي اعلان شفتات ما أتعب نفسي أكمل قراءته.
·
أيام الإجازة: هل عندك عادي
تداومين 6 أيام بالأسبوع و الا تبين يومين ؟ لانه في وظايف ست أيام مالها إلا يوم
واحد و يصير وسط أسبوع.
·
المسمى الوظيفي: إيش تبغي تشتغلي؟
أنا مثلا كنت محددة أبي سكرتارية أو إدارية، مو شاطرة بأمور البيع أو التسويق فما
أبحث عنها و قيسي على كذا.
·
الراتب : و هنا لازم نركز
شوي، أعرف إنه الكل وده براتب عالي بس أنا قصدي بكم الراتب اللي يناسبك من ناحية
مصاريفك، أنا مثلا لما جيت أقدم في أول وظيفة لي قالوا لي الراتب ثلاثة آلاف بحكم
إنه ما عندي خبرة و قبلت، بس لما صرت أشتغل تورطت!
الحضانة تاخذ ألف ريال و السواق ياخذ
ألف و مئتين ريال و التأمينات الاجتماعية تاخذ ثلاثمئة فما بقى من الراتب إلا خمسمئة
ريال !
هذي الحركة جدا مهمة عشان توفري على
نفسك الجهد و الوقت
يعني مثلا أول وظيفة لي كانت كموقع بعيدة عني أنا ساكنة
بالدمام و أشتغل بالخبر فلما أصحى للدوام أصحى من ست و نص الصباح عشان ألحق أجهز و
أودي بنتي الحضانة و بعدين أوصل الشغل مع زحمة الخبر على الساعة ثمانية، و الطلعة
نفس الشي على ما أطلع من هناك و أخذ بنتي و أرجع البيت صارت الساعة سبعة و أنا
طالعة من الشغل خمسة.
فأكون ضيعت لي ساعتين أو ثلاث من يومي
بس بالطريق و فالأخير ما يبقى لي إلا خمسمئة ريال فما استفدت شي!
بقيت بالوظيفة ثلاث شهور عشان أكتسب
خبرة و طلعت، لما جيت أقدم على وظيفتي الثانية عرفت إنه أقل راتب ممكن أقبل به هو
أربعة آلاف و نصف ريال بكذا غطيت مصاريفي و بقت لي ألفين ريال لي أنا و كانت
الوظيفة في الدمام و تبعد عن بيتي بس نصف ساعة فبكذا الحمدلله ضمنت بقائي فترة أطول
بالوظيفة.
ليش نكتب و نحدد؟ لأنه بكذا تضمني
الاستقرار الوظيفي و هذي النقطة مهمة
جدا للشركات
مسؤول التوظيف لما يطلع على
سيرتك الذاتية بيشوف الأماكن اللي اشتغلتي فيها و فترة شغلك هل كانت سنوات و الا
شهور و الا حتى أسابيع، فلما يشوف إنك مشتغلة بأماكن كثيرة في فترة بسيطة بيعتبرك
مرفوضة ببساطة لأنهم ما بيضيعوا وقتهم مع وحدة و يدربوها و بالأخير تطلع من عندهم
بعد شهر.
فحاولي تدوري الشي اللي يناسبك إنتي
أكثر شي، يمكن ما تلقينه من البداية و هذا شي عااااادي، الانسان يبدل وظيفته خلال
حياته سبع مرات، بس المقصد بدل ما تضيعي وقتك في شغلة ما تناسبك إصبري و خذي شي
مناسب لك.
و انتبهي للشروط المذكورة لا تقولي
يلا بجرب حظي، ما راح يلتفتوا لك لو كانوا طالبين خبرة خمس سنين و إنتي توك مبتدئة
فبتضيعي وقتك و وقتهم. شوفي الشروط هل تنطبق عليك أو لا.
طيب، كتبنا السيرة الذاتية و حددنا
معايير البحث جاء وقت البحث الفعلي عن وظيفة. حاليا أغلب الشركات صارت تستقبل
طلبات التوظيف عن طريق الايميل أو موقع الشركة نفسها و نادر تلاقي أحد يطلب منك
تجيبين أوراقك لمقر الشركة للتقديم.
بذكر لكم أهم المواقع اللي تعرض وظائف
سعودية و استفدت منها شخصيا بالبحث ( اضغطي على اسم الموقع و بياخذك له
على طول):
·
وظايف.نت
·
تنقيب
و برضو الانستجرام فيه حسابات كثيرة
تخصصها الاعلانات الوظيفية بس روحي للبحث و اكتبي job و بتطلع لك حسابات كثيرة و انتي شوفي اللي يتخصص بمنطقتك.
بعد ما تبحثي و
تلاقي شي يناسبك من حيث المعطيات اللي كتبناها في بداية البوست جاء وقت التقديم
أول و أهم نقطة استخدمي ايميل بإسمك و
مخصص للوظائف ما تستخدميه لشي ثاني عشان ما تضيع الايميلات مع أشياء ثانية و يكون شكلك محترف، ياما ناس مؤهلة و سحبت
عليها لانه راسل لي الايميل بإسم ساهر الليل و النوم جافاني !
ايميلك سويه بإسمك مثلا norah-ali@hotmail.com و لما يسألك إيش تبي تسمي
الحساب اكتبي نورة علي مو لقب ! اسمك عشان يعرف مسؤول التوظيف يتواصل معك.
ثاني شي تكتبي الايميل اللي بالاعلان
و تأكدي إنه الاملاء صحيح ، بعدين عنوان الرسالة تكتبي إسم الوظيفة المتقدمة لها و
إسمك و لو كان الاعلان مذكور فيه إنه الوظيفة معروضة بكذا منطقة اكتبي منطقتك
برضو. مثال:
سكرتيرة - نورة علي
– الدمام
بعدين إرفقي السيرة الذاتية و يفضل
تكون عندك نسخة عربي و نسخة انجليزي بس لو لغتك ضعيفة خليها بالعربي أفضل، لو كانت
انجليزي و فيها أخطاء ممكن يستبعدوك.
لازم تضيفي رسالة في الايميل لا ترسلي
السيرة و بس، الانترنت مليان نماذج تكتبيها بس بعطيك مثال بسيط :
" إلى مسؤول التوظيف،
السلام عليكم و رحمة الله و بركاته
صادفني اعلان التوظيف المنشور من
قبلكم و أود التقدم للوظيفة المطروحة و اللتي ستساعدني في تعليم و تطوير نفسي
لديكم.
أرفقت لحضرتكم سيرتي الذاتية باللغة العربية و
الانجليزية للاطلاع, الرجاء التواصل معي في حالة وجود أي استفسار و سأحرص على
إفادتكم.
أتطلع لتواصلكم بخصوص الوظيفة
المطروحة و شكرا.
تحياتي الحارة
نورة علي
0096654023659 "
أو
“ Dear Sir/Madam,
Good day to you.
I would like to join you for an opportunity regarding your vacant position in which I will be able to learn, improve and gain experience for this career through the company.
Kindly please find my attached Resume for more information about
me.
Looking forward for you kind response regarding the posted
opportunity. Highly Appreciated.
Best
Regards
Norah Ali
0096654023659 “
تأكدي من جميع المعلومات هل هي صحيحة
و إقرأي الرسالة كذا مرة عشان تتأكدي إنه ما فيه أخطاء و توكلي على الله و
ارسليها.
إذا سويتي إعادة توجيه للرسالة عساس
بترسليها لشخص ثاني بخصوص وظيفة أخرى تأكدي من إنك تغيري عنوان الرسالة للمسمى
الوظيفي الجديد و شيلي كلمة FWD:
و برضو شيلي المعلومات الي تصير في بداية الرسالة مثل وقت إرسال الرسالة و المستلم
السابق لأنه مو حلوة يشوف مسؤول التوظيف إنك ما تهتمي بالتفاصيل.
بكذا نكون خلصنا
هذي الجزئية من الموضوع أتمنى تكونوا استفدتوا للآن و استنوني بالتكملة قريبا
لا تنسوا تعطوني
تعليقاتكم أو استفساراتكم تحت الموضوع أو على حسابات المدونة على مواقع التواصل
الاجتماعي
الموجودة فوق
شاركي الموضوع مع الباحثين عن عمل
لعل الله يكتب لأحد الوظيفة بسببي و بسببك
All Love:
Ru.
