HAUL | مشترياتي من الميك اب 2015

السلام عليكم 

كيفكم يا مزز ؟ ان شاء الله تمام 

سوري على الانقطاع اللي صار بس عرس اختي بعد العيد على طول و قاعدة أجهز له و ماخذ وقتي كله 

ما علينا، قبل فتره البلوقر أسماء صاحبة مدونة thatredlip  قالت لنا بالسناب عن  كشك موجود في الراشد جنب فرع جرير و باريس جاليري ، يبيع منتجات ذا بالم و elf و الماركات اللي نشوفها باليوتيوب.

فرحت أشوفه و أتأكد إذا الماركات اللي فيه أصلية و الا لا و الصراحة جدا حبيت الميك اب و خذت منه للعيد ، فحبيت أشارككم باللي شريته.

أول شي أخذته هو : 

ELF blush palette 

يحتوي على أربع ألوان : وردي فاتح ، بني فاتح يصلح لكونتور خفيف ، فوشي بجليتر ، وردي غامق . 

للأمانه لسه ما جربته بس كثير حبيته ، الألوان مش أوفر و تناسب استخدام كل يوم 

وهذي الألوان بدون تعديل 

سعرها 85 ريال 

ثاني شي أخذته هو 

FOREVER52 long lasting lipgloss

بالدرجة NLC109

الروج يجلط من حلاته، لونه أحمر قاني بس مو غامق كثير ، حاطته الحين و انا قاعده أكتب لكم ، اول ما تحطينه يلمع بس بعدين ينشف و يقلب على مات ، لحد الحين ما نشفت شفايفي و شكلها حلو مش متقشر ، سمعت عنه بالانستجرام و حبيت أجربه و جدا عجبني ، لحد الحين صار لي ساعتين حاطته و أكلت و شربت و ما راح بس جدا حلو 

سعره 35 ريال 

ELF pressed mineral powder 

بالدرجة golden 6150

حبيت أجرب البودره لأنها خفيفه خصوصا إن بشرتي جافة و البودره ما تناسبني بس اذا ما حطيت أحس ان مكياجي ناقص ، فقعدت أدور على شي خفييييف و لقيت هالبودره ، لونها مناسب جدا بس لسه ما جربتها.

السعر 75 ريال

ELF flawless finish foundation with SPF 15

بالدرجة porcelain 

سمعت كثير مدح عليه و انه خفيف و يناسب الاستعمال اليومي فقلت بجربه للكليه 

سعره 85 ريال

MAYBELLINE instant age rewind concealer 

بالدرجة light\pale

السبب الأول اللي أخذت بسببه هالكونسيلر هو حبيبة قلبي thatsheart اللي سبق و تكلمت عنها في بوست أفضل قنوات المكياج  ، هو قديم شوي فما تلاقيه الا اونلاين ، هارت دايما تستخدمه و تمدحه فأول ما شفته خذته و انا مغمضه ، كل الكونسيلرات اللي استخدمتها تتأكسد و تقلب رمادي اخر النهار و تقهرني ، بس حاطه امال عاليه عليه ، عيبه انه مافي الا 3 درجات بس :\ 

سعره 100 ريال 

قلم حواجب من silver lady  بـ 10 ريال 

Rimmel scandaleyes in black and Rimmel exaggerate eyeliner 

أكثر شيئين ما استغني عنهم ، المسكره تكلمت عنها من قبل و تلاقيه هنا 

و الكحل أسهل كحل عشان ترسمي فيها الكات ايز ، فرشته قاسيه شوي فتساعدك ترسمي خط مستقيم و لونه أسود غامق و ثابت فوق ال6 ساعات و أستخدمه صار لي فوق الثلاث سنوات و انصحكم فيه و بقوة.

الماسكرا ب55 ريال و الكحل ب45 ريال .

هذي الأشياء اللي أخذتها و كثير حابتها و ان شاء الله بجربها و بعطيكم رأيي فيها 

 (ملاحظه : يا ريت تكتبوا لي تحت اذا كان عاجبكم الخط الكبير أو تفضلوا الخط الصغير عشان اعتمده)

All love:

Ru.