MAKEUP | كيف أختار الروج النيود\اللحمي\البيج المناسب للون بشرتي ؟

السلام عليكم و رحمة الله و بركاته 

كيفكم يا مزز ؟ إن شاء الله تمام

اليوم حبيت أشارككم بعدة نصائح عشان تختاري الروج النيود \ اللحمي المناسب لدرجة لونك 

كثير مننا يحبون يحطون ألوان رايقة و خفيفة للإستعمال اليومي 

بس تواجههم مشكلة إنهم يا يختارون لون فاتح مرة يخليهم جثث 

أو لون غامق يطلع عيوب وجههم 

هالمشكلة بسبب إنه كثير من السعوديات منقبات و أنا منهم 

و صعب علي أجرب اللون على شفايفي على طول 

فأضطر أجربه على يدي و مو دايم يضبط اللون 

فحبيت أعلمكم طريقة إختيار الدرجة المناسبة للونك عشان ننهي معاناة تضييع الفلوس على أرواج ما تناسبنا

نبدأ 

بالنسبة للبشرة الفاتحة جدا  \ البورسلانية 

 إذا كانت بشرتك حليبية و فاتحة جدا فحاولي تشتري لون بيج مايل على وردي فاتح 

نفس الممثلة كريستينا هيندريكس 

لأنه لو أخذتي لون بيج بحت بيتعارض مع لونك و بيطلعك مريضة 

جربي

 beigeروج بوبي براون بلون  

البشرة الفاتحة 

إذا كانت بشرتك فاتحة تقدري تستخدمي روج بيج بحت أو مايل للوردي 

لأنهم ما يتضاربوا مع لونك أبدا و إثنينهم يمشون معك 

 مثل الممثلة إيما ستون  بروج 

توم فرود بلش نيود

البشرة الزيتونية الدافئة \الباردة 

عشان تعرفين إنتي دافئة أو باردة لازم تعرفي تون بشرتك 

 التون هو لون الطبقة اللي تحت جلدك على طول 

يعني أحيانا ممكن خوات يكون لون بشرتهم زي بعض 

بس تون كل وحدة غير عن الثانية 

كيف أعرف تون بشرتي ؟ 

أوقفي قدام المراية في غرفة أضائتها ممتازه 

و طالعي بشرتك و تفحصيها عدل 

إذا كان لونك مايل للوردي أو الأحمر أو الأزرق 

يعني إنتي باردة و عادة يكون أصحاب التون الباردة بشرتهم بيضاء أو حنطية فاتحة 

إذا كان لونك مايل للأصفر أو الخوخي أو الذهبي 

فإنتي دافئة و عادة أصحاب التون الدافي يكونون حنطيين أو سمر 

و الحين نرجع لموضوعنا 

البشرة الزيتونية الدافئة 

إذا كانت بشرتك بهذا اللون فحاولي تدوري عن أرواج بلون الكاراميل 

يعني لون بيج غامق أغمق من لون بشرتك 

و حاولي تستخدمين اللي فيها جلوس\لمعة 

لأنها تضيف نضارة و رونق على وجهك 

 جربي روج شانيل شاين بلون 

 Satisfaction

البشرة الزيتونية الباردة 

صاحبات هذا اللون عندهم حرية أكثر بالألوان 

يعني ممكن تختار لون أفتح أو أغمق من بشرتك

بس أهم شي ما يكون نفس لون بشرتك لأنه بيخفي شفايفك 

جربي روج ديور اديكت بلون اوربان 178

البشرة الحنطية 

صاحبات هذي البشرة مفروض يدورون لون وردي مايل على بيج 

و يكون أفتح من لون بشرتهم عشان يخلق حاجز بين بشرتك و شفايفك 

جربي روج توم فورد باللون نيود فانيلا 

البشرة الحنطية \ لون الموكا 

صاحبة هذي البشرة تحتاج للون يلمع عشان يضيف رونق لبشرتها 

دوري على روج قريب لدرجات البني بدون طبقة وردية 

و يكون لماع أو يحتوي على ذرات لامعه 

 جربي جلوس نارس بلون 

belize 

البشرة السمراء الداكنة 

صاحبة هذي البشرة تمتلك لون جميل لشفايفها 

فما يحتاج طبقة لونية قوية عشان تغطيها 

الأفضل تستخدم جلوس شفاف عشان بس تضيف لمعة على شفايفها 

أو جلوس بلون أفتح من لون شفايفها عشان يضيء الوجه 

جربي قلوس ماك بلون 

ray of sunshine 

و بكذا نكون غطينا جميع ألوان البشرة 

أتمنى إنكم أستفدتوا و إنه هالبوست بيسهل عليك شراء الروج النيود بالمره الجاية 

إذا كان عندك روج مقارب لهاللألوان إتمنى تشاركي إسمه تحت بالكومنتات 

عشان الكل يستفيد 

أتمنى تتابعي المدونة على حساباتها المذكورة فوق على جنب 

و اذا حبيتي البوست أو استفدتي بمعلومة لا تبخلي على أخواتك أو صديقاتك 

بالمعلومات و شاركيهم بالبوست 

all love 

Ru.